Arquivo por meses: Maio 2013

ContraMINAcción chama á cidadanía galega a apoiar a manifestación do 2 de xuño para defender o noso país da minaría salvaxe

Comunicado da Rede contra a Minaría Destrutiva na Galiza do 31 de Maio do 2013

O colectivo ContraMINAcción chama a toda a cidadanía galega a apoiar masivamente a manifestación que se celebrará este domingo, 2 de xuño, en Santiago de Compostela, para obrigar á Xunta de Galiza a escoitar un sentir maioritario que se opón ao acaparamento e destrución de amplas zonas do noso territorio a mans da industria mineira.

ContraMINAcción fai este chamamento porque ao amplo historial destrutivo da minaría no noso país, que contou sempre coa conivencia dos poderes públicos, quérense sumar agora ducias de novos proxectos que ameazan con arrasar -coa posta en marcha de explotacións altamente contaminantes e a ceo aberto- comarcas como A Barcala, A Fonsagrada, A Limia, Ancares, Baixo Miño, Bergantiños, Celanova, Compostela, O Eume, Ordes, O Ribeiro, Terra Chá, Terra de Soneira, Vigo ou Xallas.

Os novos proxectos mineiros que pretende autorizar a Xunta en Baleira, Baralla, Becerreá, Castrelo de Miño, Corcoesto, Frades, Fragas do Eume, Mesía, O Pino, Oroso, Santa Comba, Santiago, Serra de Fontecuberta, Serra do Galiñeiro, Trasmiras, Xinzo ou Zas, destruirán espazos protexidos de incalculable valor ecolóxico, esquilmarán a terra da que viven miles de labregos e labregas e obrigarán ao exilio forzoso a todas aquelas persoas que tiveron a mala sorte de ter os seus fogares sobre recursos mineiros de dubidosa utilidade pública e cos que certas empresas queren especular para o seu único e exclusivo lucro privado.

Dende ContraMINAcción queremos expresar o noso máis sincero agradecemento aos apoios recibidos dende a sociedade civil, a través das adhesións de máis de medio cento de organizacións e colectivos de Galiza, do Estado Español e de América Latina que detallamos a continuación: Agrupaçom de Montanha Augas Limpas, Asociación Naturalista de Defensa Ambiental Ribeiras do Miño, Asociación Véspera de Nada por unha Galiza sen Petróleo, Associação Socio-Cultural O Iríbio, Comisión contra as Minas da Terra Chá, Contramínate de Laxe, Plataforma pola Defensa de Corcoesto e Bergantiños, Plataforma pola Defensa do Galiñeiro, Plataforma Veciñal Corno do Monte, Salva la Selva, Santa Comba Viva, Sindicato Labrego Galego, SOS Groba, Verdegaia, Galiza Non Se Vende (GNSV), FEG – Federación Ecoloxista Galega, Galiza Nova, NÓS-UP, Partido da Terra, Espazo Ecosocialista Galego, Sociedade Galega de Historia Natural (SGHN), Anova Irmandade Nacionalista, Associaçom Cultural Revira de Pontevedra, Confederación Intersindical Galega (CIG), A.C. Caldeirón de Malpica, Asociación Monte Pindo Parque Natural, Federación Rural Galega (FRUGA), Centro social Mádia Leva!, Asociación para a Defensa Ecolóxica de Galiza (ADEGA), Plataforma Oro No (Tapia de Casariego), Centro Social Fuscalho (Baixo Minho), Fur Alle Falle, Rural C, Espazo Agroecolóxico A Estruga (Viveiro-Lugo), Fronte Cívica Somos Maioría da provincia de A Coruña, Asociación Ecoloxista e Cultural da Terra de Montes “Verbo Xido”, A.C. Almuinha de Marim, C.S. Gomes Gaioso, Asociación Cultural FUCO BUXÁN, Asociación Cultural Fillos de Galicia, Frente Popular Galega (FPG), Grupo Ecoloxista ADENCO. Asociación para a Defensa da Natureza do Condado, Plataforma cidadá Proxecto Cárcere, Compromiso por Galicia (CxG), A.C. Almuinha de Marim, CNT de Betanzos, Noalamina Esquel (Arxentina), Asociación Veciñal de Esteiro-Ferrol, Asociación Pola Defensa da Ría (APDR, Pontevedra), Asociación Ecologista Arco Iris, Amigos da Terra, Radio Ucamara en Nauta (Loreto, Perú), Cooperativa Agricultura Ecoloxica Raínha Lupa (Quilmas), Plataforma en Defensa dos Montes do Morrazo, ENTREPOBOS/ENTREPUEBLOS/ENTREPOBLES/HERRIARTE, Plataforma de Seguimiento de las Industrias Extractivas (PSIE), Movimiento No a la Mina (Argentina) – Asamblea Buenos Aires No a la Mina, El Observatorio Latinoamericano de Conflictos Ambientales OLCA (Chile), Xuventude Comunista, Observatorio de Conflictos Mineros en América Latina OCMAL (40 organizacións: http://www.conflictosmineros.net/quienessomos/), Acción Ecológica de Ecuador, Defensa y Conservacion Ecológica de Intag (Ecuador), Asociación Jalisciense de Apoyo a los Grupos Indígenas (AJAGI. Jalisco, México), Agrupaçom Cultural O Facho, Colectivo Ecoloxista Luita Verde, Alternativa Galega de Esquerda (AGE), Bloque Nacionalista Galego (BNG), Colectivo Ecoloxista do Salnés, Ecologistas en Acción, Xuventudes Socialistas de Galicia e Departamento Justicia, Paz y Salvaguarda de la Creación (Obispado Copiapó, Chile).

A manifestación partirá da Alameda ás 12:00 horas e percorrerá rúas compostelás como a Senra, Praza de Galicia, Doutor Teixeiro, Hórreo, Toural ou o Vilar, para rematar na praza da Quintana. Alí, representantes das organizacións e colectivos que integran ContraMINAcción ou que loitan contra este tipo de proxectos sen necesidade de pertencer a esta plataforma, lerán un manifesto coral co que tentarán sensibilizar á sociedade galega desta ameaza global que afecta ao país enteiro.

Advertisements

25 de Maio: O día que pasou a historia pola tractorada en Xinzo

Este sábado 25 de Maio, A Limia apoiou aos seus e rexeitou de forma contundente a Mina de Feldespatos que a Xunta avala cos seus informes.

P1080306

As espectativas dos representantes da veciñanza aglutinada na Plataforma Veciñal Corno do Monte foron moi superadas con creces. Máis de 400 asistentes e preto de 200 tractores foron o xeito no que se manifestou por unanimidade a veciñanza limiá. Xunto a eles, todo o sector servizos da agricultura e a gandería (almacéns de patacas, abonos, fitoagrarias, talleres…) de Xinzo e Trasmiras pecharon este sábado para sumarse a protesta e apoiar aos seus agricultores e gandeiros.

Segundo declaracións dalgúns labregos “Tractorada coma esta non se acorda como dende a de Santiago”, “Incrible que poida haber eiquí tanto tractor”, “Impresionante, esta vai ser histórica”. DSC_3137

Ademais da veciñanza asistiron a ela representantes do BNG (os dous concelleiros locais e a deputada Tareixa Paz), de CxG Xan Jardón, do PSdeG Elvira Lama, Anova, EU, sindicatos como Sindicato Labrego Galego, Unións Agrarias, FRUGA e asociacións como ADEGAL.

A Manifestación comezou no Toural coa lectura dun manifesto, xa que a Subdelegación do Goberno, a pesares de ser sábado e causar menos molestias na vila, prohibiu que as xente se detivese na praza maior.DSC_3135

A Manifestación acompañada dos tractores percorreu as principais rúas da vila, collendo logo todos dirección a San Pedro de Laroá, unha das parroquias afectadas.

O acto finalizou cuns aperitivos en San Pedro para tódolos asistentes.

“Os titulares non impiden o proxecto”

P1080317Varios asistentes a protesta manifestaron a súa “indignación” ante as declaracións dos gobernantes: «nos periódicos din unha cousa, pero a hora da verdá nos papeles din outra»

Con esta tractorada histórica, a veciñanza da Limia deixou moi claro que non se fía das declaracións feitas polo conselleiro Hernández e o Alcalde de Xinzo, xa que aquí o que vale non é o que digan eles nos xornais, o único que vale é a resolución do consello da Xunta publicada onde corresponde.

“A MINA OU NÓS”

DSC_3268 O que xa fora lema noutras protestas, cobrou máis peso que nunca nesta protesta, pois achégase a meta da resolución da Xunta e esta ten que escoller entre a mina ou as persoas que vivimos aquí e do agro.

A protesta tamén deixou pe a retranca, con carteis pendurados dos tractores que dicían: «Ocasión: Cambio tractor por chollo na mina do feldespato»

Os representantes veciñais, tralo rotundo éxito da tractorada expoñen que agora os que mandan na Xunta viron o que está en xogo. «Eles teñen inda outra oportunidade de poñer os informes ben despois deste período de alegacións. Eles verán, pero nós confiaremos en non ter que acudir a Santiago con tódolos tractores da Limia, pero se o temos que facer, farémolo. Estes señores non nos van quitar o pan dos nosos fillos nin o seu futuro. Loitaremos ata o final.»

Imaxes que non deixaron a ninguén indiferente

Logo da resaca deste histórico sábado, as fotos da protesta tamén deron que falar, xa que a imaxe dos cativos e rapaces cos seus tractores de xoguete deixaron ben claro que na terra está o medio polo que dar unha vida digna a eses rapaces pero tamén o medio polo cal garanti-lo seu futuro, algo que a empresa Mineira co aval da Xunta pretende roubar.DSC_3296

Agradecementos

Como non podía ser doutro xeito, os representantes da veciñanza queren agradecer o apoio que a comarca da Limia lles brindou hoxe, xa que “os labregos apoiamonos entre nós, uns aos outros”.

Dende a Plataforma Veciñal querese agradecer de xeito moi especial a colaboración da Panadería Segundo, que aportou empanadas e bicas. Tamén ao Sindicato Labrego Galego por todo o traballo e dedicación que levan aportado para deter o proxecto mineiro.

Merecen do mesmo modo especial mención a Policía Local e a Garda Civil de Xinzo, que colaboraron e facilitaron en todo momento que o acto transcorrese con normalidade.

P1020865

A PRESIÓN VECIÑAL DA FROITOS EN XINZO

Os representantes da veciñanza afectada pola mina de feldespatos sinalan que a tractorada destes sábado 25 xa está surtindo efecto.

A campaña de “a mina non ven” que están levando a cabo o alcalde de Xinzo e o conselleiro de Medio Ambiente, son o mellor indicador de que a presión da veciñanza limiá está surtindo efecto, xa que “están moi nerviosos”.

Dende a Plataforma Veciñal, indican que “hai que ser moi cautelosos” xa que “os titulares nos xornais non denegan a concesión”, “o único que a denega é unha resolución negativa do Consello da Xunta e a súa correspondente publicación nos lugares que corresponde”.

Así mesmo destacan que “a presión dos tractores está surtindo efecto” e indican que “estamos por pouco” para lograr que o proxecto de MINERCER SL vaia abaixo. Por esta razón, os representantes dos veciños fan un chamamento a que toda a Limia e toda Galicia acuda a esta tractorada, para que a Xunta teña moi presente a hora de decidir “a mina ou nós”.

Incoherencia

Resulta curioso que o Conselleiro responsable dunha das consellerías que emitiu informes favorables veña agora dicir que o proxecto mineiro é inviable. Dende a veciñanza insísten unha vez máis, pois non dan contestación ao respecto de por qué a consellería de medio ambiente emitiu informes favorables.

Supramunicipalidade

O Concello sen capacidade de decidir. Exemplo claro deste feito, é o que ocorreu en Castrelo de Miño, no que o Concello lle denegou a licenza a empresa mineira, pero a Xunta amparándose na lei, deulla pasando por encima do ente local.

 

A DENUNCIA DA MINA TODO UN ÉXITO EN BRUXELAS

Nota de Prensa da P. V. Corno do Monte do día 18 de Maio do 2013

Os representantes da Veciñanza denunciaron en Bruxelas o proxecto que MINERCER SL quere levar a cabo co aval da Xunta.

O pasado mércores 15 de Maio, representantes da veciñanza afectada pola mina de feldespatos compareceron directamente en Bruxelas perante o Parlmanento Europeo grazas as xestións da eurodeputada galega Ana Miranda do BNG. Alí expuxeron o proxecto que pretende levar a cabo a empresa MINERCER SL e que afecta a varias parroquias do concello limiao.

As representantes incidiron en que a Xunta decidiu que Galicia era unha mina sen o consentimento dos galegos, en particular o caso da Limia. Lembraron aos Eurodeputados os investimentos e subvenicións para o desenvolvemento e modernización do agro galego e limiao, xa que esta mina vai acabar coa agricultura e a gandería, polo que estes investimentos realizados van ser tirados ao lixo.

Tamén lles preguntaron aos eurodeputados como é posible que unha empresa depredadora se beneficie para que 210 persoas perdan o seu emprego se só vai crear 10, dos cales 3 son postos altamente cualificados.

A vez cuestionaron a importancia dun mineral como o feldespato tendo en conta a crise do sector da construción. A intervención rematou coa pregunta de “¿que farían vostedes se lles arrebatasen o futuro dos seus fillos?

As representantes da Veciñanza destacaron que en Europa a diferencia de Santiago e Madrid, “si nos coñecían e sabían perfectamente de onde viñamos”. Así mesmo, os eurodeputados quedaron sorprendidos ante o plan sectorial mineiro que pretende aprobar a Xunta. Nembargantes un dos feitos que máis os sorprendeu foi que unha comarca como a Limia, no que levan realizados investimentos millonarios a través de subvencións, axudas e outras medidas, teñan outorgados dereitos mineiros no corazón da zona agro-gandeira.

Os representantes da Limia, xunto a representantes de outras zonas de Galicia, denunciaron o plan sectorial de minas que a Xunta pretende levar a cabo, xa que faría de Galicia outra Castela deserta e improdutiva.

CONCELLO CERO A ESQUERDA

Así mesmo, os representantes veciñais queren lembrar que segundo o artigo 22.3 da lei 3/2008 de Minería de Galicia, se o concello denega a licenza municipal esta pode ser outorgada polo Consello da Xunta, é dicir, que a lei quítalle ao concello de Xinzo a capacidade legal de impedir que a mina de feldespatos se asente no municipio.

Aproveitando o consello do Alcalde de que actuemos nos lugares que corresponde, a Plataforma Veciñal vai solicitarlle ao concello os seus servizos xurídicos para que asesoren das posibles medidas legais que se poden tomar.

TRACTORADA: A MINA OU NÓS

Este sábado 25 de Maio ás 10.30 arrincará do Toural unha tractorada contra a mina de feldespatos, a que están convocados tódolos cidadáns, agricultores e axentes sociais, políticos e culturais de Galicia.

OS INFORMES DA XUNTA SON FAVORABLES A MINA DE FELDESPATO DE XINZO

A Xunta de Galicia da unha patada a veciñanza afectada pola mina de feldespatos en Xinzo e ponse a favor da empresa mineira que pretende destruír máis de 210 empregos directos e outros tantos indirectos dando un golpe mortal a xa deteriorada economía da Limia.

fotoinformes1

P.V. Corno do Monte

Tal e como dixo o Director Xeral de Industria, Enerxía e Minas o pasado Venres na súa comparecencia na comisión do Parlamento Galego, os informes serían publicados e facilitados as diferentes partes. O resultado deses informes da Xunta, que xa adiantara aos representantes da Plataforma a Subdirectora Xeral de Minas, avalan a que se leve a cabo a Mina de feldespatos en varias parroquias do concello limiao.

O feito de que estes informes sexan favorables, deixan unha vez máis baleiros de contidos moitos dos titulares de prensa que foron sacados no entorno da Xunta para “calmar as augas” e impedir que as accións da veciñanza danaran os intereses da empresa mineira e do goberno que os avala.

Queremos lembrar tamén que a decisión non está tomada, pero tal e como dixo o Director Xeral de Industria, a pesares de que a lei di que os informes non son vinculantes, teñen que ser tidos en conta porque así o di unha sentenza do Tribunal Supremo. É dicir, que estes informes que avalan a mina, elaborados polas consellerías de Medio Ambiente, Industria e a Confederación Hidrográfica van ser transcendentais a hora de concede-la licencia a Mina de Feldespatos.

Informes parciais e incompletos

A plataforma finalmente recolleu preto de 2000 alegacións individuais, e presentarónse outras a título de asociacións, sindicatos, agricultores e gandeiros. Nestas alegacións falouse das consecuencias para a saúde das persoas, os riscos sociodemográficos que ademais foron temas que se lle comentaron aos responsables da Xunta e se lles deixou constancia por escrito rexistrado nos seus correspondentes despachos. Iso só quere dicir que ben esquecéronse do que lle transmitiron os representantes da veciñanza ou que non lles interesou metelos nos informes.

A medias tintas

O informe de Medio Rural, que podía tombar de remate a tolemia que a Empresa Minercer SL, coa connivencia das consellerías de Industria, Medio Ambiente e a Confederación Hidrográfica, quédase a médias tintas. A Consellería que debía ser a principal defensora da veciñanza e garante de que os envestimentos da Xunta, do Estado e da Unión Europea fosen aproveitados e rentabilizados, di que “parece prevalente a agricultura”, non impoñendo con contundencia a prevalencia do agro sobre a actividade mineira. Segundo palabras dos responsables da Plataforma Veciñal “a consellería de Medio Rural tiña que pecha-las portas e non deixar dúbidas de que esta veiga é unha zona agrícola, non mineira”

A mina ou nós

aaa210 persoas viven en exclusiva do agro nesta veiga. Outras tantas benefícianse das anteriores na industria paralela (talleres, almacéns, servizos técnicos, fitoagrarias…).

Estes informes pretenden bendecir un desaloxo forzoso do que é noso, do pagamos coa nosa suor, e que nos pretenden sacar das nosas mans con expropiacións forzosas ao prezo que eles marquen, é dicir, que a Xunta avala este roubo. Por elo a veciñanza vai poñer toda a carne no asador e defender o que é seu, sen violencia a diferencia dos que nos atacan e nos queren quitar o que é noso.

Charla sobre a mina

Lembramos que este sábado 11 celebrarase unha xuntanza na Casa da Cultura en Xinzo ás 7 da tarde, para ver o que está a ocorrer noutros puntos de Galicia, compartir outras experiencias e informar máis ao detalle sobre estes informes e as iniciativas que se van levar a cabo.

11 maio

A PLATAFORMA VECIÑAL EN CONTRA DA MINA DE FELDESPATOS CELEBRA EN XINZO UNHA CHARLA SOBRE A MINARÍA DESTRUTIVA

A Plataforma Veciñal Corno do Monte, que representa a veciñanza afectada pola mina de Feldespatos, organiza este sábado 11 de Maio ás 7 da tarde na casa da cultura de Xinzo unha charla informativa sobre a minaría destrutiva en Galicia.11 maio

Segundo os organizadores, o obxectivo desta charla é informar a veciñanza de que o Proxecto de Minercer SL non é o único, que Galicia está plagada de proxectos mineiros destrutivos, da importancia de perseverar nas accións en contra da mina e de manternos xuntos.

Por elo, acudirán a charla representantes da executiva nacional do Sindicato Labrego Galego para falar dos innumerables proxectos que están tentando levarse a cabo por todo o país e representantes da Plataforma contra a Mina de Corcoesto para trasladar a súa experiencia similar nos seus inicios a de Feldespatos en Xinzo.

O acto rematará coa intervención da representante da Plataforma Veciñal Corno do Monte, que dará conta do que dos informes da Xunta, aos que os representantes veciñais tiveron acceso, facendo unha valoración dos mesmos e tamén de posibles accións da veciñanza para impedir que este proxecto se leve a cabo.

O DIRECTOR XERAL DE INDUSTRIA ENERXÍA E MINAS DI QUE NON HAI DECISIÓN TOMADA SOBRE A MINA DE FELDESPATOS EN XINZO

Este venres 3 de Maio celebrouse unha comisión no Parlamento de Galicia na que compareceu o Director Xeral de Industria Enerxía e Minas. Na sesión tratouse a situación do proxecto mineiro de Feldespatos en Xinzo.

Imaxe de arquivo das Comisións do Parlamento de Galicia. © Parlamento de Galicia.

Ante a pregunta formulada por Tareixa Paz do estado da concesión mineira en Xinzo, o Director Xeral de Industria respondeu que o proxecto está en trámite, que a Xunta de Galicia aterase e respectará a legalidade xa que se vai ter en conta unha sentenza do Tribunal Supremo no que di que inda que os informes técnicos non sexan vinculantes sempre hai que telos en conta. Ademais resaltou que os informes non teñen que velar polos interes nin medioambientais nin agrícolas, se non que son só técnicos.

A nacionalista tamén preguntou se se ían contestar as alegacións presentadas contra o proxecto, a que o responsable da Xunta contestou que ao seu debido tempo, logo de presentar ou non as segundas alegacións, a Xunta volverá a ter en conta e decide, polo que o proceso é o normal.

Segundo o Director Xeral de Industria estes informes serán expostos ao público polo que dende o momento de exposición haberá un novo prazo de 15 días para presentar alegacións.

Deste xeito o Director Xeral de Industria, Economía e Minas deixa claro que non hai ningunha decisión tomada sobre a mina de Feldespatos en Xinzo e que o proceso segue o seu curso natural.

 Vídeos da comparecencia

http://www.parlamentodegalicia.es/buscaVideos/detalle.aspx?linguaxe&id=8131&tipo=1&desp=00%3A19%3A52&duracion=00%3A03%3A01&data=03%2F05%2F2013+10%3A52%3A13&asunto=Comisi%C3%B3n+7%C2%AA+Agricultura%2C+Alimentaci%C3%B3n%2C+Gander%C3%ADa+e+Montes.&desc=Intervenci%C3%B3n+de+Direcci%C3%B3n+Xeral+de+Industria%2C+Enerx%C3%ADa+e+Minas+&idgrabacion=8131