A Plataforma Veciñal Corno do Monte concentra varios centos de persoas en Xinzo

Este mércores 27 de marzo, ás 12 da mañá a Plataforma Veciñal Corno do Monte concentrou a carón do Museo do Entroido varios centos de persoas en contra da Mina.

P1080182

As expectativas da Plataforma Veciñal Corno do Monte foron superadas e varios centos de limiaos concentráronse nas inmediacións do Museo do Entroido de Xinzo, para protestar contra a mina de feldespatos que a empresa Minercer S.L. de Castellón pretende levar a cabo en varias parroquias do concello limiao.

A ela asistiu veciñanza de toda a comarca, comerciantes, empresarios, representantes de organizacións ecoloxistas, organizacións sindicais como o Sindicato Labrego Galego ou a Confederación Intersindical Galega. Tamén acudiron representantes de tódolos grupos políticos entre eles representantes do goberno municipal e do PP, do PSdeG – PSOE, BNG, Galiza Nova, Anova, CxG e outros.

O acto transcorreu coa continua participación do público asistente con cantos como “A mina ou nós” “Na Limia non a Mina” “Non a mina” “quen queira feldespatos que vaia a Castellón” “A Xunta decide: A mina ou nós”

P1080175

A presidenta da Plataforma Veciñal, Maricarmen Díaz, leu un manifesto en contra da mina no que lembrou en que consistía o proxecto. Reivindicou tamén o dereito dos veciños a vivir nas súas casas e nas súas aldeas, xa que se a mina vaia adiante, segundo contempla o propio proxecto iso vai ser imposible.

A presidenta da Plataforma Veciñal aproveitou a ocasión para anunciar que os dereitos de explotación de Minercer van dende Ganade a Sarreaus, polo que no futuro sería posible que se levase a cabo outra mina das mesmas condicións no termo municipal e comarcal. Por elo reivindicou que este proxecto prexudicial afecta a todos, xa que hoxe somos nós pero mañá pode ser calquera outro pobo da zona.P1080164

Deu conta de que se seguirán a facer concentracións cidadás no mesmo lugar en tódalas feiras do 27, ata que a Xunta entenda “que non se nos pode quitar o que é noso, que non se poden tomar decisións en contra do bo xuízo, nin se poden tomar decisións en contra dos intereses da Limia e finalmente non se debería escoller unha mina en contra das persoas que vivimos e traballamos aquí” facendo alusión aos máis de 210 empregos directos e outros tantos indirectos que se destruirían se a mina vai adiante.

Para rematar sinalou que “non o vamos consentir de ningún xeito, loitaremos ata o final aínda que dure os trinta anos que pode durar a concesión, nin hoxe nin nunca vamos consentir que nos quiten o noso”

 A MINA OU NÓS

aaa

A concentración transcorreu baixo o lema “A MINA OU NÓS”. Varios asistentes entre eles xornalistas quedaron impactados con el. En palabras da portavoz da plataforma veciñal “o lema soa forte porque o que pretenden facernos é moi forte” “o lema transmite a perfección o que nos está a ocorrer”. “A Xunta ten que escoller entre a mina ou nós”

AGRADECEMENTOS

P1080162Dende a Plataforma Veciñal Corno do Monte queremos agradecer a asistencia de toda a veciñanza da Limia, dos empresarios e comerciantes, ás organizacións sindicais en especial ao Sindicato Labrego Galego, aos grupos políticos, a Policía Local de Xinzo que se mostrou colaboradora e facilitou en todo momento que o acto transcorrese con plena normalidade e a tódalas persoas que nos apoiaron e levan apoiado ata agora.

P1080167

Sponsored Post Learn from the experts: Create a successful blog with our brand new courseThe WordPress.com Blog

WordPress.com is excited to announce our newest offering: a course just for beginning bloggers where you’ll learn everything you need to know about blogging from the most trusted experts in the industry. We have helped millions of blogs get up and running, we know what works, and we want you to to know everything we know. This course provides all the fundamental skills and inspiration you need to get your blog started, an interactive community forum, and content updated annually.

A Plataforma Veciñal Corno do Monte concentra dous centenares de persoas no Concello de Xinzo

Este venres 8 de marzo ás 20.30 celebrouse no Salón de Plenos da Casa do Concello de Xinzo de Limia, unha Xuntanza informativa en contra da mina de Feldespatos.

A ela acudiron veciños do concello e da comarca, comerciantes, empresarios e representantes dos partidos políticos, PSdeG-PSOE, BNG, PP, Anova e Compromiso por Galicia.xuntanza7

A redor de dous centos de persoas que ateigaron o Salón de Plenos e outros que tiveron que escoita-las intervencións dende a entrada do salón e o consistorio.

A Xuntanza comezou coa intervención da Presidenta da Plataforma, Maricarmen Diaz Casas, que deu conta da situación actual da concesión e que criticou duramente as repercusións a nivel global que traería a mina. Seguido dela interveu o representante do Sindicato Labrego Galego, Anxo Pérez que se centrou na repercusión socioeconómica que traería a explotación mineira:  400Ha afectadas que producen arredor de 27 millons de euros anuais a repartir entre máis dun cento de familias que viven delas, fronte a os 3 millóns de euros que gañaría soamente a empresa mineira. Outro punto a destacar é a perda de 210 empregos directos e outros tantos indirectos, investimentos milonarios en subvencions da Unión Europea, o Estado Español e a Xunta de Galicia, ademais de maquinaria agrícola e a compra de terras, asi como os investimentos levados a cabo nos anos 70 para facer as concentracións parcelarias.

Logo falou Álvaro Carreira, enfermeiro, sobre os riscos que representaba a mina sobre a saúde das persoas, podendo orixinar enfermidades respiratorias, dixestivas e psicolóxicas. Tamén destacou que as persoas máis vulnerables son os doentes con afeccións crónicas (hipertensión, diabetes, afeccións cardíacas, etc), e os nenos. xuntanza5

A xuntanza rematou coa intervención de Lucía Joga, facendo un pequeno resumo de todo o exposto e presentando a 4 nenos da futura xeración que representan o futuro da Limia.  Finalizou informando da próxima mobilización que terá lugar o 27 de Marzo en Xinzo, coincidindo coa semana santa e coa feira de fin de mes.

Todo o acto caracterizouse polo continuo apoio do público asistente con aplausos e comentarios apoiando as intervencións dos asistentes, que saíron dispostos a “acudir a onde faga falta” para evitar que este proxecto prexudicial se leve a cabo.

xuntanza 4 xuntanza6 xuntanza3

A PLATAFORMA CORNO DO MONTE CELEBRARÁ ESTE VENRES UNHA XUNTANZA INFORMATIVA NA CASA DO CONCELLO DE XINZO

A plataforma de afectados celebra este venres unha xuntanza informativa para tódolos afectados da mina de feldespatos nos que inclúe a comerciantes, empresarios, grupos políticos da provincia e tódolos veciños da comarca.


A asociación “Plataforma Veciñal Corno do Monte” que representa aos veciños de San Pedro de xuntanzaLaroá, Laroá, Fiestras, Seoane, Faramontaos, Moreiras, Paredes e Rebordechá, celebrará este venres 8 de Marzo ás 20:30 da tarde unha xuntanza informativa que terá lugar no salón de Plenos da Casa do Concello de Xinzo. A ela están chamados os veciños do concello de Xinzo e a comarca da Limia, en especial comerciantes e empresarios de Xinzo xa que o impacto económico repercutirá de xeito especial sobre eles. Tamén están chamados a asistir tódolos grupos políticos da provincia que se pronunciaron varias veces en contra da mina.

A xuntanza ten por obxecto informar detalladamente das consecuencias que traerá consigo a mina de feldespatos Faramontaos 5089.1.

Dende a plataforma instamos a que se acheguen a ela todos, xa que estamos a tratar dun proxecto sumamente prexudicial para o presente e o futuro de Xinzo e a comarca da Limia.

XUNTANZA: VENRES 8 DE MARZO ÁS 20:30 da tarde

A Plataforma Veciñal Corno do Monte convoca a toda veciñanza afectada pola Mina de Feldespatos, das aldeas limiás de San Pedro de Laroá, Laroá, Fiestras, Seoane, Faramontaos, Moreiras, Paredes e Rebordechá, comerciantes, empresarios e demais veciños do Concello de Xinzo, que terá lugar:

VENRES 8 DE MARZO ÁS 20:30 DA TARDE 

LUGAR: SALÓN DE PLENOS DA CASA DO CONCELLO DE XINZO DE LIMIA CDM moras

A Xustiza e a Consellaría de Medio Ambiente non permiten que Erimsa explote o seixo da Terra Chá

Comunicado da Comisión de Asociacións contra as Minas na Terra Chá  
Nas últimas semanas falláronse en contra da empresa norueguesa os contenciosos que mantiña cos concellos e Castro de Rei, A Pastoriza e Cospeito; e a Xunta denegou todas as licenzas solicitadas.
Terra Chá1

Esta semana coñecíase a nova de que a Xustiza fallaba contra a empresa norueguesa Erimsa na súa tentativa de obter licenza para explotar o seixo da Terra Chá. Todo empezou no ano 2009, cando Erimsa presentou recursos contencioso-administrativos contra os concellos de Castro de Rei, A Pastoriza e Cospeito por entender que lle foran dadas licencias de explotación mineira por silencio administrativo. As licenzas recorridas pola empresa foron Karles e Alicia (Castro de Rei), Karles (Cospeito), Alicia (Cospeito), Alicia (A Pastoriza) e Pastoriza (A Pastoriza).

Nos cinco contenciosos que houbo, personáronse a Comisión contra as Minas na Terra Chá, comunidades de regantes, organizacións como o Sindicato Labrego Galego ou Adega, e particulares. Todos os contenciosos se foron resolvendo de xeito negativo para Erimsa ao longo de 2011 e 2012, acadando resolución o último deles en xaneiro de 2013 e cuxa denegación se facía oficial esta mesma semana.

Paralelas a estes procesos xudiciais, seguiron o seu curso as tramitacións doutras solicitudes de licenza presentadas en decembro de 2008. Tralos períodos de exposición pública e alegacións aos que obriga a lei, os servizos de urbanismo dos concellos afectados pediron informes ás consellarías de Medio Rural, de Economía e de Medio Ambiente, á Confederación Hidrográfica do Miño-Sil e á Deputación de Lugo. O meirande destes informes foron desfavorables e o seu peso decisivo para que, o pasado 28 de xaneiro, a Consellaría de Medio Ambiente, Territorio e Infraestruturas lle denegase as licenzas de explotación a Erimsa. Terra Chá 2

Aínda que a guerra foi gañada, fica aínda o perigo de que novos cambios lexislativos fagan posible que Erimsa poida explotar o seixo na Terra Chá, aínda que sexa a costa de destruír o entorno e o medio de vida dunha das bisbarras gandeiras máis importantes de Galiza. Por iso, a Comisión contra as Minas na Terra Chá pedirá que se declare a caducidade das concesións por inactividade.

Nos vindeiros días, a Comisión contra as Minas na Terra Chá convocará a toda a veciñanza afectada polos proxectos de Erimsa para informala dos fallos xudiciais e resolucións administrativas e consensuar as accións a emprender para que a ameaza mineira non se volva repetir; e tamén para agradecerlle o seu firme apoio e coherencia ao manterse contraria a uns proxectos empresariais que hipotecaban o futuro dunha comarca enteira.

 Antecedentes

 O conflito das minas da Terra Chá comezou a finais do ano 2006, cando se aprobaron tres concesións mineiras (Alicia, Karles e Pastoriza) que afectaban a máis de 5.700 hectáreas dos concellos da Pastoriza, Cospeito e Castro de Rei e, en menor medida, a Abadín e Vilalba. Terra Chá 3

Dende aquela, a empresa presentou licencia urbanística para iniciar a actividade no ano 2008 nos concellos de Castro de Rei, A Pastoriza e Cospeito. Dende o intre da presentación, houbo dous períodos de exposición pública dos proxectos onde a Comisión de Asociacións contra as Minas na Terra Chá, xunto con centos de veciños e veciñas, presentaron alegacións opoñéndose a estes proxectos. Ao mesmo tempo, a Comisión contra as Minas realizou un intenso labor informativo e reivindicativo, participando en varias manifestacións, e organizando dous festivais e ducias de charlas informativas, como a que correu a cargo do investigador responsable do Instituto Universitario de Xeoloxía Isidro Parga Pondal, Juan Ramón Vidal Romaní.

Recollida de firmas contra da minaría contaminante en Galicia

Dende a Plataforma Veciñal Corno do Monte animamos a tódalas persoas que estean en contra da Explotación mineira de Feldespatos, que pretenden levar a cabo en varias aldeas de Xinzo, a que asinen o seguinte petición en Change.org

¡Que no arrasen Galicia! Paremos la megaminería contaminante 

(fai clic sobre este enlace)

É moi doado e só leva un minuto. Un minuto que pode facer moito por tod@s.

Nós xa firmamos, agora é a túa quenda!

Comunicado da Presidenta da Plataforma Veciñal Corno do Monte

1. Somos unha asociación de veciños e non política, aínda que aceptamos calquer apoio que se nos brinde.

2. Gañamos a primeira batalla e seguiremos loitando ata gañar a guerra.

3. Queremos dar as grazas aos políticos que co seu voto apoiaron a nosa causa e que agardamos que a sigan apoiando.

A Presidenta da Plataforma.

Xinzo de Limia, 22 de Febreiro do 2013